महाराष्ट्र

मुंबई : पनवेल ते पणजी जोडणारा राष्ट्रीय महामार्ग 66 (माजी NH-17) हा कोकण आणि गोव्याचा जीवाभावाचा रस्ता अखेर पूर्णत्वाच्या जवळ पोहोचला आहे. राष्ट्रीय महामार्ग विकास प्रकल्पाअंतर्गत सुरू असलेल्या या चार-लेनिंग कामांपैकी 500 किमीपैकी तब्बल 463 किमी रस्ता पूर्ण झाला असून उरलेले 24 किमी काम सप्टेंबर 2025 पर्यंत पूर्ण होण्याची शक्यता वर्तवली जात आहे. 🔑 महत्वाची माहिती ⚠️ विलंबामागची प्रमुख कारणं 📍 महत्वाचे विभाग 🌍 पर्यावरणीय व सामाजिक दृष्टीकोन 🆕 अलीकडील घडामोडी

सिंधुदुर्ग जिल्ह्याचे पालकमंत्री आणि भाजप नेते नितेश राणे यांनी आज थेट मटका बुकीवर छापा टाकत मोठी कारवाई केली. कणकवली शहरात गेल्या अनेक वर्षांपासून सुरु असलेल्या महादेव रमाकांत घेवारी यांच्या मटका अड्ड्यावर दुपारी चार वाजण्याच्या सुमारास त्यांनी ही धाड घातली. 🟠 घटनास्थळीच थेट धाड या अड्ड्यावर अचानक पोहोचल्यावर काही जण पैसे आणि चिठ्ठ्यांसह आढळले. मंत्री राणे यांनी स्वतः चौकशी केली आणि तत्काळ कणकवली पोलीस निरीक्षक अतुल जाधव यांना फोन करून कारवाईसाठी घटनास्थळी बोलावले. 🟠 पोलिसांचा तातडीचा सपाटा यानंतर पोलीस कुमक घटनास्थळी दाखल झाली व ११ संशयितांना ताब्यात घेतले. पोलिसांनी या छाप्यातून रोख रक्कम, लॅपटॉप, मटका पावत्या जप्त केल्या आहेत. या कारवाईनंतर अवैध व्यवसाय करणाऱ्यांमध्ये चांगलीच धांदड उडाल्याचे चित्र दिसत आहे. 🟠 चर्चेत नितेश राणे गेल्या काही दिवसांत नितेश राणे यांनी राज्यात वराह जयंती साजरी करण्याची मागणी करत मुख्यमंत्र्यांना पत्र दिले होते. त्यातच आज स्वतः मटका अड्ड्यावर धाड घालून त्यांनी पुन्हा एकदा सर्वांचे लक्ष वेधून घेतले. जिल्ह्यातील पोलीस वर्तुळात आणि राजकीय वर्तुळात या घटनेची मोठी चर्चा सुरु आहे.

मुंबई–गोवा महामार्गाचं काम २०१० पासून सुरू आहे. “पाच वर्षांत कोकणात चार लेनचा स्वप्नरस्ता तयार होईल” अशी आश्वासनं दिली गेली होती. पण आज १५ वर्षांनंतरही कोकणात जाणाऱ्या प्रवाशांसाठी हा महामार्ग म्हणजे — खड्ड्यांचा डोंगर, अर्धवट पूल आणि जीवघेणे वळणं यांचंच भयावह चित्र. पावसाळा सुरू होताच परिस्थिती आणखी गंभीर झाली आहे. चिपळूण, कणकवली, खेड परिसरात रस्त्यावर इतके मोठे खड्डे पडले आहेत की “हा रस्ता की तलाव?” असा प्रश्न उपस्थित होतो. ठेकेदारांनी केलेल्या निकृष्ट कामामुळे डांबर उखडलं असून, पावसाचं पाणी खड्ड्यात साचून प्रवास मृत्यूच्या खाईकडे खेचतो आहे. ✦ आकडेवारी काय सांगते? (ही आकडेवारी महाराष्ट्र वाहतूक पोलीस विभागाच्या अहवालातून घेतलेली आहे.) ✦ जबाबदार कोण? सार्वजनिक बांधकाम विभागाकडून वारंवार आश्वासनं देण्यात आली. केंद्रीय मंत्री नितीन गडकरी यांनी स्वतः २०२२ मध्ये हा महामार्ग पूर्ण होईल असं जाहीर केलं होतं. पण ठेकेदार बदलले, खर्च वाढला आणि काम कधी गतीमान तर कधी ठप्प.आज प्रकल्पाचा खर्च ११,००० कोटींपेक्षा जास्त झाला आहे. मात्र रस्ता अजूनही प्रवासयोग्य नाही. ✦ जनतेचा आवाज स्थानिक नागरिकांचा संताप उफाळून आला आहे. “प्रशासन आमच्या जीवाशी खेळतंय. आम्हाला विकास नको, फक्त सुरक्षित रस्ता हवा आहे,” असं मत कोकणात जाणाऱ्या एका प्रवाशाने व्यक्त केलं. मुंबई–गोवा महामार्ग हा विकासाचं स्वप्न दाखवत सुरू झाला. पण १५ वर्षांनंतरही तो फक्त खड्ड्यांचा प्रवास ठरला आहे. “रस्ता पूर्ण होईल” या दाव्यांवर आता जनता विश्वास ठेवायला तयार नाही. पुढच्या निवडणुकांमध्ये हाच महामार्ग राजकीय वादळ निर्माण करेल, यात शंका नाही.