जहेंद्र हरिभाऊ मुंढे
माणगांव तालुका प्रतिनिधी

गोरेगाव | १3 जानेवारी २०२६ :
गोरेगावसारख्या ग्रामीण भागात गेल्या २५ वर्षांपासून सातत्याने सामाजिक कार्य करणाऱ्या रोटरी क्लब गोरेगाव या संस्थेचा सिल्व्हर जुबिली अर्थात २५ व्या वर्धापन दिनाचा भव्य सोहळा मोठ्या उत्साहात आणि अत्यंत गौरवपूर्ण वातावरणात पार पडला. या ऐतिहासिक सोहळ्याने संस्थेच्या सामाजिक वाटचालीला उजाळा देत अनेक भावनिक क्षणांची साक्ष दिली.

हा कार्यक्रम रोटरी क्लब गोरेगावचे अध्यक्ष (२०२५–२६) रोटेरियन महावीर जैन आणि सचिव रोटे. डॉ. प्रीतम गांधी यांच्या नेतृत्वाखाली यशस्वीपणे संपन्न झाला. कार्यक्रमाच्या माध्यमातून गेल्या २५ वर्षांच्या सामाजिक सेवेचा लेखाजोखा मांडण्यात आला.

या सोहळ्यास रोटरी जिल्ह्याचे गव्हर्नर रोटे. संतोष मराठे हे प्रमुख पाहुणे म्हणून उपस्थित होते. त्यांच्या उपस्थितीने कार्यक्रमाची शोभा अधिकच वाढली.

तसेच, रोटरी क्लब गोरेगावच्या स्थापनेच्या काळातील अध्यक्ष रोटे. डॉ. विवेक शेठ आणि त्या वेळचे सचिव रोटे. डॉ. राजीव गोखले हे मान्यवर पाहुणे म्हणून उपस्थित होते. संस्थेच्या सुरुवातीपासूनचा प्रवास प्रत्यक्ष अनुभवल्याने त्यांच्या उपस्थितीने कार्यक्रम अधिकच भावनिक झाला.

२५ वर्षांची अखंड सामाजिक वाटचाल

गोरेगाव परिसरात शिक्षण, आरोग्य, पाणीपुरवठा, आपत्कालीन सेवा आणि विविध समाजोपयोगी उपक्रमांच्या माध्यमातून रोटरी क्लब गोरेगावने समाजात आपली स्वतंत्र आणि भक्कम ओळख निर्माण केली आहे. ग्रामीण भागात सातत्याने सेवा देत संस्था टिकवून ठेवणे ही मोठी बाब असून, रोटरी क्लब गोरेगावने ही जबाबदारी समर्थपणे निभावली असल्याचे गौरवोद्गार मान्यवरांनी काढले.

१३ ज्येष्ठ सभासदांचा विशेष सत्कार

या सिल्व्हर जुबिली सोहळ्याचे विशेष आकर्षण म्हणजे गेल्या २५ वर्षांपासून अखंड सेवा देणाऱ्या १३ ज्येष्ठ सभासदांचा गौरव.
सत्कार करण्यात आलेले सभासद —

रोटे. डॉ. विवेक शेठ
रोटे. डॉ. राजीव गोखले
रोटे. डॉ. अनिल मेहता
रोटे. अजित गांधी
रोटे. हितेश शहा
रोटे. डॉ. विनोद गोरेगावकर
रोटे. प्रमोद सवदत्ती
रोटे. संजय गांधी
रोटे. विकास मेटा
रोटे. विकास भुस्कुटे
रोटे. उदय गांधी
रोटे. कुतुब काझी
रोटे. यशवंत शिगवण
या सत्कारप्रसंगी उपस्थितांसाठी हा क्षण अत्यंत भावनिक आणि प्रेरणादायी ठरला.

विद्यमान सभासदांची भव्य उपस्थिती

रोटरी क्लब गोरेगाव (२०२५–२६) मधील सर्व विद्यमान सभासद मोठ्या संख्येने उपस्थित होते. त्यामध्ये रोटे. अभिजीत गांधी, रोटे. तुषार पटेल, रोटे. रघुनाथ गावडे, रोटे. डॉ. गिरीश मेहता, रोटे. डॉ. मंदार मेहता, रोटे. राकेश पानसरे, रोटे. अमोल कुलकर्णी, रोटे. जगदीश भोकारे, रोटे. नरेश गांधी, रोटे. नितीन देशपांडे, रोटे. श्याम काळेसकर, रोटे. डॉ. जगदीश बेडेकर यांच्यासह संपूर्ण रोटरी कुटुंब उपस्थित होते.

याशिवाय गोरेगाव, महाड, रायगड फोर्ट, रोहा, रोहा सेंट्रल तसेच पुणे येथील विविध रोटरी क्लबचे पदाधिकारी व सभासद मोठ्या संख्येने उपस्थित होते.

उल्लेखनीय समाजोपयोगी उपक्रम

रोटरी क्लब गोरेगावने आपल्या २५ वर्षांच्या वाटचालीत
‘तेजोनिधी’, ‘तेजोनिधी 2’, ‘पन्हाळघर बंधारा’, अॅम्ब्युलन्स सेवा आणि ‘अक्षय प्रकाश योजना’ यांसारखे जागतिक दर्जाचे उपक्रम राबवून गोरेगाव परिसरात सामाजिक विकासाचा ठसा उमटवला आहे.

अध्यक्षांचा विश्वास आणि प्रेरणादायी संदेश

अध्यक्ष रोटेरियन महावीर जैन यांनी आपल्या भाषणात,
“रोटरी क्लब गोरेगाव भविष्यात निश्चितच गोल्डन जुबिलीही साजरी करेल. आज जसा आम्हाला चार्टर मेंबर्सचा अभिमान आहे, तसाच आमच्या कार्यामुळे पुढील पिढीलाही या क्लबचा अभिमान वाटेल,” असा विश्वास व्यक्त केला.

पुण्याहून उपस्थित रोटरी पदाधिकाऱ्यांनीही क्लबच्या कार्याचे विशेष कौतुक करत “रोटरी क्लब गोरेगावचा आम्हाला अभिमान आहे,” अशा शब्दांत शुभेच्छा दिल्या.

सिल्व्हर जुबिलीचा हा सोहळा केवळ उत्सव नसून, सामाजिक सेवेच्या सातत्यपूर्ण प्रवासाचा गौरव होता. चार्टर मेंबर्ससाठी हा क्षण भावनिक ठरला, तर विद्यमान आणि भावी सभासदांसाठी हा सोहळा प्रेरणादायी ठरला.

✍️ लेखक : कोंकणधारा डेस्क