खोपोली | प्रतिनिधी :
खोपोली शहरात मोठी खळबळ उडवणाऱ्या मंगेश काळोखे हत्याकांड प्रकरणात खोपोली पोलिसांना मोठे यश मिळाले आहे. या प्रकरणातील फरार आरोपी भरत भगत याला खोपोली पोलिसांनी खालापूर परिसरातून अटक केली आहे. या अटकेमुळे राजकीय वर्तुळात मोठी चर्चा सुरू झाली आहे.

🕯️ राजकीय वैमनस्यातून निर्घृण हत्या

नवनिर्वाचित नगरसेविका मानसी काळोखे यांचे पती मंगेश काळोखे यांची 16 डिसेंबर रोजी राजकीय वैमनस्यातून अत्यंत निघृण पद्धतीने हत्या करण्यात आली होती. या घटनेने संपूर्ण खोपोली व रायगड जिल्हा हादरून गेला होता.

🔍 मुख्य मारेकरी आधीच अटकेत

या हत्याकांडातील थेट हल्ला करणाऱ्या मुख्य मारेकऱ्यांना खोपोली पोलिसांनी यापूर्वीच अटक केली आहे. मात्र, हत्येचा कट रचणारे सूत्रधार म्हणून राष्ट्रवादी काँग्रेसचे जिल्हाध्यक्ष सुधाकर घारे आणि प्रवक्ते भरत भगत यांची नावे समोर आली होती. त्यानंतर दोघेही फरार झाले होते.

🚓 खालापूरमधून अटक

गोपनीय माहितीच्या आधारे खोपोली पोलिसांनी सापळा रचत भरत भगत याला खालापूर परिसरातून ताब्यात घेतले. सध्या त्याची कसून चौकशी सुरू असून, हत्येच्या कटाबाबत महत्त्वाची माहिती समोर येण्याची शक्यता वर्तवली जात आहे.

⚠️ सुधाकर घारे अजूनही फरार

दरम्यान, या प्रकरणातील प्रमुख आरोपींपैकी एक असलेले राष्ट्रवादी काँग्रेसचे जिल्हाध्यक्ष सुधाकर घारे अजूनही फरार आहेत. खोपोली पोलिसांची पथके विविध ठिकाणी शोधमोहीम राबवत असून, घारे यांच्या अटकेकडे आता सर्वांचे लक्ष लागले आहे.

📌 पोलीस तपास निर्णायक टप्प्यात

भरत भगतच्या अटकेनंतर मंगेश काळोखे हत्याकांडाचा तपास निर्णायक टप्प्यात पोहोचला आहे. या हत्येमागील राजकीय कट, आर्थिक व्यवहार आणि इतर सहभागींची नावे उघड होण्याची शक्यता पोलिसांकडून व्यक्त केली जात आहे.

✍️ कोंकणधारा न्यूज डेस्क