प्रतिनिधी : कोंकणधारा
चिपळूण/संगमेश्वर : गेल्या सुमारे ३५ वर्षांपासून रखडलेला आणि अत्यंत खराब अवस्थेत असलेला मुचरी गवळीवाडी ते कलबस्ते फाटा हा रस्ता अखेर मंजूर झाला आहे. चिपळूण-संगमेश्वर मतदारसंघाचे आमदार शेखर निकम यांच्या पाठपुराव्यामुळे या रस्त्यासाठी चालू अर्थसंकल्पात तब्बल दोन कोटी रुपयांचा निधी मंजूर करण्यात आला आहे.
दीर्घकाळ प्रलंबित असलेला हा प्रश्न मार्गी लागल्याने परिसरातील ग्रामस्थांमध्ये समाधान व्यक्त होत असून आमदार निकम यांचे सर्व स्तरातून अभिनंदन करण्यात येत आहे.
यावेळी मुचरी गवळीवाडी येथील थोर समाजसेवक टोपरे साहेब (तालुकाप्रमुख), राजेंद्र पोमेंडकर (वाडी अध्यक्ष), पांडुरंग तटकरे, शांताराम टोपरे, अनंत भोजने, सुजन तटकरे, रघुनाथ भालेकर, संकेत खामकर, अनंत घवाली आदींसह ग्रामस्थांनी आनंद व्यक्त करत आमदारांचे आभार मानले.
तसेच, आमदार शेखर निकम यांनी गावातील स्मशानभूमीकडे जाणारा रस्ताही लवकरच करून देण्याचे आश्वासन दिले आहे. या निर्णयामुळे ग्रामस्थांमध्ये समाधानाचे वातावरण असून सर्व ग्रामस्थांच्या वतीने आमदार निकम यांचे मनःपूर्वक आभार मानण्यात आले आहेत.
By
