चिपळूण : प्रतिनिधी
तालुक्यातील कालुस्ते खुर्द-मजरेकाशी ग्रामपंचायतीच्या पोटनिवडणुकीसाठी प्रभाग क्रमांक २ मधून दाऊद अन्वर जबले यांचा एकमेव उमेदवारी अर्ज दाखल झाला आहे. त्यामुळे ही निवडणूक बिनविरोध होण्याची शक्यता वर्तवली जात आहे.

भाजपचे रत्नागिरी दक्षिण जिल्हाध्यक्ष प्रशांत यादव यांचे समर्थक अन्वर जबले यांचे सुपुत्र दाऊद जबले यांनी शुक्रवारी (ता. १०) आपला अर्ज सादर केला. अर्ज दाखल करण्याच्या अंतिम मुदतीपर्यंत अन्य कोणताही अर्ज न आल्याने त्यांची निवड बिनविरोध होण्याची चिन्हे आहेत.

अर्ज दाखल करताना तंटामुक्त समितीचे अध्यक्ष अन्वर जबले, माजी सरपंच डॉ. अब्बास जबले, डॉ. रहमत जबले, अमिन परकार, माजी उपसरपंच रिजवान परकार तसेच फौजान परकार, मुश्ताक सुर्वे, कौसर परकार, इरफान परकार, शेख अहमद परकार, फुरकान जबले, शबाना जबले, अलफिया जबले, शम्शुन्निस्सा परकार, शर्फुद्दीन जबले, अश्फाक मोमीन, शमुन भाई घारे, गुलजार कुरवले, हसन परकार आदी मान्यवर उपस्थित होते.

दरम्यान, एकमेव अर्ज दाखल झाल्याने प्रभागातील निवडणूक प्रक्रिया औपचारिकतेपुरती मर्यादित राहण्याची शक्यता व्यक्त केली जात आहे.