कोलाड २६ मे (शरद जाधव)
पनवेल येथे नुकत्याच पार पडलेल्या रायगड जिल्हा कुमार गट खो-खो निवड चाचणी स्पर्धेत उत्कृष्ट खेळाचे प्रदर्शन करत जय बजरंग रोहा खो-खो संघाचा कु. अनुराज योगेश ठाकूर याची सोलापूर येथे होणाऱ्या ५२ व्या महाराष्ट्र राज्य कुमार गट अजिंक्यपद व निवड चाचणी खो-खो स्पर्धेसाठी रायगड जिल्हा कुमार गट संघात निवड करण्यात आली आहे.
विशेष म्हणजे, अनुराजची सलग दुसऱ्या वर्षी रायगड जिल्हा संघात निवड झाली असून मागील वर्षी देखील त्याने रायगड जिल्ह्याचे प्रतिनिधित्व केले होते. सातत्यपूर्ण सराव, मेहनत, फिटनेस आणि उत्कृष्ट खेळाच्या जोरावर त्याने पुन्हा एकदा जिल्हा संघात आपले स्थान कायम राखले आहे.
जय बजरंग रोहा खो-खो संघ यांच्या माध्यमातून अनुराजने अनेक स्पर्धांमध्ये उल्लेखनीय कामगिरी करत आपली वेगळी ओळख निर्माण केली आहे. त्याच्या या यशामध्ये त्याचे वडील आणि परिवाराचे मार्गदर्शन असल्याचे सांगितले जात आहे. कुस्ती खेळाचा वारसा असल्यामुळे क्रीडाविषयक आवड त्याच्यामध्ये लहानपणापासून होती.
या निवडीबद्दल जय बजरंग क्रीडा मंडळ रोहा तसेच परिसरातील क्रीडाप्रेमींनी अनुराज योगेश ठाकूर याचे अभिनंदन केले आहे.
By
