संजय पिळणकर

सावंंतवाडी : येथिल पंचायत समितीच्या सभापतीपदी शिवसेनेच्या सुस्मिता जाधव यांची निवड झाली आहे तर उपसभापतीपदी भाजपचे गौरव मुळीक यांची बिनविरोध निवड झाली.याबाबतची अधिकृत घोषणा आज सोमवारी करण्यात आली.

ही निवडणूक प्रक्रिया निर्णय अधिकारी तथा तहसीलदार श्रीधर पाटील यांच्या मार्गदर्शनाखाली संपन्न झाली.यावेळी सहाय्यक गटविकास अधिकारी यशवंत गवस आणि कक्ष अधिकारी विनायक पिंगुळकर यांची प्रमुख उपस्थिती होती.पंचायत समितीमध्ये भाजपचे सहा,शिवसेनेचे सहा,अपक्ष पाच आणि ठाकरे गटाचा एक असे सदस्य उपस्थित होते.

सभापती पद आरक्षित असल्याने ही जागा शिवसेनेच्या वाट्याला आली.जिल्हा परिषद मतदार संघातील पंचायत समिती सदस्या सुष्मिता जाधव यांचा या पदासाठी एकमेव अर्ज दाखल केला होता तर उपसभापती पदासाठी भाजपचे सदस्य गौरव मुळीक यांनी अर्ज भरला होता.त्यामुळे निवडणूक निर्णय अधिकाऱ्यांनी दोघांचीही बिनविरोध निवड झाल्याचे अधिकृतपणे घोषित केले.या निवडीमुळे सावंतवाडी पंचायत समितीला २४ वे सभापती आणि ९ व्या महिला सभापती मिळाल्या आहेत.