प्रतिनिधी : कोकणधारा
रत्नागिरी :- शहरातील मारुती मंदिर परिसरातील सुमित्रा ज्वेलर्स येथे अज्ञात चोरट्यांनी शटर तोडून चोरी केल्याची घटना उघडकीस आली आहे. या चोरीत ज्वेलर्समधून चांदीचे दागिने लंपास करण्यात आल्याचे समोर आले असून, ही घटना पहाटेच्या सुमारास घडल्याचा प्राथमिक अंदाज पोलिसांनी वर्तवला आहे.
या घटनेमुळे शहरातील व्यापाऱ्यांमध्ये भीतीचे वातावरण निर्माण झाले आहे. चोरीची माहिती मिळताच रत्नागिरी शहर पोलिसांनी तातडीने घटनास्थळी धाव घेत पंचनामा केला.
या प्रकरणाचा तपास करताना पोलिसांनी परिसरातील सीसीटीव्ही फुटेज ताब्यात घेतले असून, त्याच्या आधारे चोरट्यांचा शोध सुरू करण्यात आला आहे. तसेच दुकानातील सीसीटीव्ही फुटेजही तपासण्यात येत आहेत.
या तपासात प्रभारी शहर पोलिस निरीक्षक राजेंद्र यादव, सहायक पोलिस निरीक्षक तानाजी पवार, पोलिस उपनिरीक्षक सागर शिंदे तसेच पोलिस कर्मचाऱ्यांनी परिसरात पाहणी करून काही धागेदोरे मिळतात का, याचा शोध घेतला.
By
